Latest News‎ > ‎Articles‎ > ‎

“ATE NENENG ..............THE GOOD SAMARITAN”

posted Dec 10, 2013, 11:36 PM by Pilinda Rose Dominguez
ni:  Jolina L. Salazar

            “May mabuting layunin ang Panginoon sa bawat pangyayari sa ating buhay.” Ilan lamang ito sa mga katagang nasambit ni Ate Neneng, Nenita Baluyot sa tunay na pangalan nung aking siyang nakapanayam para sa sulating ito. Kung kaya’t tumimo sa aking isipan ang mga tanong na sa palagay ko’y siya lang ang makasasagot.

             Ipinanganak si Ate Neneng noong February 16, 1959 at 54 na taong gulang na sa kasalukuyan. May bahay ni Ginoong Danilo Baluyot o mas kilala bilang kuya Boyet at nabiyayaan ng 4 na supling. Masayang naninirahan sa Tagles Ville, Balanga City. Maliban sa kalungkutan at pangungulilang naranasan ng mawala sa kanilang piling at isama na ng lumikha sa piling ng mga angel sa langit ang kanilang isang anak na sa edad nitong 12. Siguro nga’y  pinagtagpo ng tadhana ang mag-asawa dahil sa parehas silang nakatapos ng pag-iihinyero bilang Chemical Engineer sa Mapua Institute of Technology at kanyang asawa naman na Mechanical Engineer ang natapos.

              Naging daan ang pagkawala ng anak upang mag-aral siya muli sa Institute of Cathechetical Dioses of Manila. Marahil sa kalungkutan at pangungulila na sa buong akala niya ay isa itong magiging maliwanag na daan upang hilumin ang sugat ng kahapong nais paglabanan.

              Ngunit isa pala itong malaking karangalan at mabuting daan sa katiwasayan ng kanyang puso at isip sapagkat nabuo sa kanyang katauhan ang mahalagang misyon na kaloob ng Maykapal.

              Sa kasalukayan ay isa na siyang Head Cathechist na malugod at buong pusong ginagampanan ang katungkulang  itinalaga sa kanya bilang Pang-ulong katekista.”Masaya ako at puno ng pasasalamat at dedikasyon bilang isa sa mga misyonarya ng ating Panginoon sapagkat sa pamamagitan ko ay naibabahagi ko ang mabuting salita ng Diyos sa mga bata at magulang na tunay na yaman at kabutihan kong maituturing”-------Ate  Neneng.

         Sa kabila ng hectic schedule sa pagtuturo sa mga bata ay nakuha pa niyang tumulong sa kapwa katulad na lamang na nangyari kay Gng. Nory M.Santos guro sa ika-anim na baitang habang nagtuturo ng salita ng Diyos si Ate Neneng ang tumulong na magdala sa hospital kay Mam Santos dahil nanikip ang dibdib at nahirapang huminga. Hindi siya nagdalawang isip na tulungan ito at dalhin sa pinakamalapit na hospital. Hindi niya iniwan si Gng. Nory M. Santos sa hospital hanggat wala ang pamilya nito. Kaya maituturing na isa siyang Good Samaritan.

 

 

Comments